DEVOCIONES A SANTA MARÍA

Angelus

V. Angelus Dómini nuntiávit Maríæ,
R. et concépit de Spíritu Sancto.

Ave María...

V. Ecce ancílla Dómini,
R. fiat mihi secúndum verbum tuum.

Ave María...

V. Et Verbum caro factum est,
R. et habitávit in nobis.

Ave María...

V. Ora pro nobis, Sancta Dei Génetrix,
R. ut digni efficiámur promissiónibus Christi.

Oremus: Grátiam tuam, quæsumus, Dómine, méntibus nostris infúnde: ut, qui, Angelo nuntiánte, Christi Fílii tui Incarnatiónem cognovimus, per Passiónem eius et Crucem ad resurrectiónis glóriam perducámur. Per eundem Chrístum Dóminum nóstrum.
Amen.

[Indice]

Regina cæli

V. Regína cæli, lætáre; allelúia.
R. Quia quem meruísti, portáre; allelúia.
V. Resurréxit sicut díxit; allelúia.
R. Ora pro nobis Deum; allelúia.
V. Gáude et lætáre, Virgo María; allelúia.
R. Quia surréxit Dóminus vere; allelúia.
Orémus: Deus, qui per resurrectiónem Fílii tui Dómini nostri Iesu Christi mundum lætificáre dignátus es, præsta quæsumus, ut per eius Genitrícem Vírginem Maríam perpétuæ capíamus gaudia vitæ. Per Chrístum Dóminum nóstrum. Amen.

[Indice]